A Mothers prayer (Poem)

About her sons Ebrayek & Salem ( martyrs of Abu Salim )

أم مقهورة علي ابنيها ابريك وسالم "من ضحايا ابو سليم " فنظمت ابياتا مؤثرة تقول فيها :

قعدت انصبر في روحي ,,, امغير مدع معاي قعدت انصبر في روحي وانقول ::

غير اصبري يا عين لاتطريهم , ابريك وسالم اللي انهاتي بيهم

لا تجبدي سيرتهم ,,لاتجبدي الساعة اللي شالتهم

انا طامعة قبل في جيتهم,,,واليوم ما يساوي العقل شوقه فيهم

مشوا في شوقه ,,ابريك وسالم********

ماحسبت خبارة اتجينا سودة ,,,علي الاثنين اللي انراجو فيهم

جتنا بوقة الساعة 11 علي سماح التوقة ,تمت معانا نارهم ميقودة

***اخبار ياماصار فيهم ,,تمت عشية صالح ايغرد بالدمعة السخية

علي بريك وسالم ماشيين ضحية ,,, واحنا غافلين وما علمنا بيهم

ننشدوا في كلاب علي قصاد النية ,,,ايقول طيبين وما السو ايجيهم

ماحسبت نبقى بلاهم حية ,,,غير الايام **********,

كاتبه مولانا ,,,,,غيابهم هللي هم حدود منانا

خلو خوتهم صابرين حزانا ,, لا الدمع كف لا النوم ايجيهم

أنا طالبة ربي سبحانه ,, انريده ايصبرهم واينسيهم

ماتجبدي غيابي ,,,, ابريك وسالم من خيار شبابي

انا اليوم خلوني امغير انكابي ,,ناخذ الليل وانا انهاتي بيهم

ماتجبدي اللي امسمرين منامي ,ابريك وسالم كانهم قدامي

لنقاااااااانهم قهروني في عقاب زماني ,فيت ليصبرني الله عليهم

ماتجبدي الرفاقه , ابريك وسالم اللي لهم مشتاقة

لنقانهم عوقوني اليوم شينك عوقة,,لا بغير علينا لا بغير عليهم

غير اصبري يا عين لاتطريهم , ابريك وسالم اللي انهاتي بيهم

Wednesday, 2 March, 2011
Source: 
abdumka

Comments

Post new comment

  • Web page addresses and e-mail addresses turn into links automatically.
  • Lines and paragraphs break automatically.

More information about formatting options

CAPTCHA
This question is for testing whether you are a human visitor and to prevent automated spam submissions.
2 + 6 =
Solve this simple math problem and enter the result. E.g. for 1+3, enter 4.